Saath

Dooriyan darmiyaan itni hai
Beetein waqt ka hisaab nahi
Zakhm puraane itne hai gehrayi ka pata nahi
Arsa beet gya Khul k saans liye
Dil se muskuraye kab wo bhi yaad nahi.
Par wo saath kahi hai itna yakeen hai..

Kabhi parchayi banke Toh kabhi ehsaas banke
Kabhi saanson me abr sa hai
Toh kabhi neend me khwaab sa hai...
Kabhi Aankho me ashk banke
Toh kabhi Ruh me Dard banke
Saath to hai wo itna yakeen hai..

Udaan

Dheeme se Udaan Bhari hai humne,
Manzil bhi bahut dur banayi hai,
Zindagi ki asli udaan abhi baaki hai
Zameen se bhale udaan bhari ho,
Abhi toh saara aasmaan baaki hai...

Zindagi ki kathinaiyo ne jeena sikhaya,
Har kadam pe thokar ne sambhalna sikhaya,
Zindagi ke kai imtehan abhi baaki hai,
Thodi Zameen Mili hai kadam rakhne,
Abhi toh Zameen hilaana baaki hai.

Sacchi ibaadat kabhi ansooni nahi jaati,
Mehnat kabhi bekaar nahi jaati,
Apni khwahishe abhi khud jaani hai,
Abhi toh khuda se saari duaye maangna baaki hai.

Bas abhi aankh kholi hai humne,
Saraa jahan dekhna baaki hai.
Abhi to naapi hai mutthi bhar zameen humne
Abhi toh saara aasmaan baaki hai...